دەروازە و بەندەکان

شارۆمەندی لە کۆماری کوردستاندا، پەیمانێکی دەستووریی و بوونناسانەی پیرۆزە کە تێیدا شکۆی مرۆڤ دەبێتە ناوەندی بڕیار و ئاڕاستەکەری وارگێڕییەکانی دەوڵەت. ئەم دەروازەیە چوارچێوەی ئەو مافە بنەڕەتی و ئازادییە سەوداهەڵنەگرانە دادەڕێژێ کە کۆڵەکەی سەرەکیی ژیانی ئازاد و شکۆمەندانەی هەر تاکێک پێک دەهێنن؛ لێرەدا دەوڵەت نەک وەک بەخشەر، بەڵکوو وەک پاسەوانی ڕەهای ئەم ئازادییانە جێگیر دەبێت. هاوکات، ئەم دەروازەیە بەرپرسیارێتیی دەستووریی کۆمار بەرامبەر بە دابینکردنی خۆشبژێویی گشتی و دادی نەتەوەیی دەچەسپێنێت، لەسەر ئەو بنەمایەی کە نەتەوەیەکی تەندروست، پەروەردەکراو و دڵنیا لە پاشەڕۆژی خۆی، تاقانە سەرچاوەی هێز و خۆڕاگریی دەوڵەتە لە مێژوودا. یەکسانیی ڕەها لەبەردەم قانوون و پاراستنی مافی کەمینە نیشتمانییەکان، وەک مەرجی بنەڕەتیی یەکپارچەیی کۆمەڵایەتی و سەقامگیریی پەڕگاڵی کۆماری لەم بەندانەدا گەرەنتی دەکرێن.