هەڵوەشاندنەوەی قانوونەکان

قانوونەکانی دەرچوو لە مەکۆی نیشتمانی و مەکۆی ژیران تەنیا دەتوانرێن لەلایەن هەردوو کۆڕەکە خۆیانەوە یان بە بڕیاری دادگای باڵا (کاتێک پێچەوانەی دەستوور بن) هەڵبوەشێنرێنەوە.

یه‌كه‌م: پڕۆسەی هەڵوەشاندنەوەی قانوونیی

١.١. پڕۆسەی هەڵوەشاندنەوەی قانوونێک هاوشێوەی پڕۆسەی پەسەندکردنی قانوونێکە، بە پێشنیار، گفتوگۆ و دەنگدان لە هەردوو کۆڕدا.

١.٢. بۆ هەڵوەشاندنەوەی قانوونێک پێویستە:

ئا. پێشنیارەکە لەلایەن ژمارەیەکی دیاریکراو لە ئەندامان یان کابینەی دەسەڵاتەوە پێشکەش بکرێت

ب. لە لیژنەی پەیوەندیداردا گفتوگۆی لەسەر بکرێت

پ. دەنگی زۆرینەی پێویست بەپێی قانوون بەدەست بهێنێت

دوویه‌م: هەڵوەشاندنەوە لەلایەن دادگای باڵاوە

٢.١. دادگای باڵا مافی پێداچوونەوەی بە قانوونەکاندا هەیە و دەتوانێت بڕیار لەسەر نادەستووریبوونی هەر قانوونێک بدات.

٢.٢. کاتێک دادگای باڵا بڕیاری نادەستووریبوونی قانوونێک دەدات:

ئا. قانوونەکە لە کاتی دەرچوونی بڕیارەکەوە پووچەڵ و بێ کاریگەر دەبێت

ب. دەبێت بڕیارەکە لە ڕۆژنامەی فەرمیدا بڵاو بکرێتەوە

پ. هەموو لایەنە پەیوەندیدارەکان پابەند دەبن بە رێزگرتن لە بڕیارەکە