دەوڵەتی ژیر وەک ئامێری کارپێکەری خەبات و نەتەوەسازیی
یەکەم: بنەمای ستراتیژی
دەوڵەت لە سەدەی بیست و یەکەمدا، هاوکات کە یەکەیەکی جوگرافییە، یەکەیەکی زانیاری و پەیوەندیی زیندووشە. دەوڵەتی ژیر وەک لە دەروازەی یازدەهەمدا پێناسە کراوە، دەبێتە ئامێری کارپێکەری تەکنەلۆژی و کارگێڕیی "دەوڵەتی ڕزگاریی"، کە تەنانەت پێش ڕزگارکردنی تەواوی خاکەکەشی توانای ئەوە دەدات بە نەتەوە کە خۆی ڕێکبخات و دامەزراوەکانی بنیات بنێت. ئەمە گۆڕینی هاوکێشەی خەباتە؛ لەبری ئەوەی خاک ئازاد بکرێت ئینجا دەوڵەت بنیات بنرێت، دەوڵەت بنیات دەنرێت بۆ ئەوەی خاک ئازاد بکات.
دوویەم: ئەرکە کردارییەکانی دەوڵەتی ژیر لە قۆناغی ڕزگاریدا
١.١. تۆماری نەتەوەیی دیجیتاڵی و یەکخستنی نەتەوە:
ئا . دەرکردنی "شوناسی نیشتمانیی کوردستان" (KD-ID) بۆ هەر تاکێکی کورد لە سەرانسەری جیهاندا وەک کردەیەکی دامەزرێنەری شارۆمەندیی و بناغەیەک بۆ یەکخستنی توانای مرۆیی نەتەوە لە یەک جەستەی یەکگرتوودا.
ب. بەکارهێنانی ئەم تۆمارە بۆ ئەنجامدانی ڕاپرسیی ناوخۆیی لەسەر پرسە ستراتیژییەکان و ڕێکخستنی هەڵبژاردن بۆ دامەزراوەکانی دەوڵەتی کاتی/ڕزگاریی.
١.٢. ئەکادیمیای نیشتمانیی دیجیتاڵی و پێگەیاندنی کادری دەوڵەت:
دامەزراندنی پلاتفۆرمێکی فێربوونی دیجیتاڵیی پێشکەوتوو بۆ پێگەیاندنی ئەو کادرە وارگێڕی، کارگێڕی، سەربازی و دیپلۆماسییانەی کە لە داهاتوودا ئەرکی بەڕێوەبردنی کۆماری کوردستانیان دەکەوێتە ئەستۆ.
پێشکەشکردنی پرۆگرامی خوێندنی چڕ لە بوارەکانی دەوڵەتداریی مۆدێرن، قانوونی دەستووری، ئابووریی نیشتمانی، دیپلۆماسی و ستراتیژیی سەربازی.
١.٣. ئەرشیڤی نەتەوەیی دیجیتاڵی و پاراستنی یادەوەریی:
دەستکردن بە کۆکردنەوە و دیجیتاڵکردنی سیستماتیکی گشت بەڵگەنامەکانی تاوانەکانی دژ بە نەتەوەی کورد و پاراستنیان لە ئەرشیڤێکی دیجیتاڵیی دابەشکراو و دەستکارینەکراودا.
ت. خەزێنەی نیشتمانیی دیجیتاڵی و ڕوونایی دارایی:
بەڕێوەبردنی "خەزێنەی نیشتمانیی دیجیتاڵی" بۆ کۆکردنەوە و بەڕێوەبردنی ڕووەنانەی گشت داهات و یارمەتییەکان.
بەکارهێنانی تەکنەلۆژیای بلۆکچەین بۆ مسۆگەرکردنی ڕوونایی ڕەبەق و ڕێگریکردن لە هەر جۆرە گەندەڵییەک.
ج. پلاتفۆرمی دیپلۆماسیی دیجیتاڵی و گەیاندنی بانگی کوردستان:
دامەزراندنی پلاتفۆرمێکی دیپلۆماسیی دیجیتاڵیی بەهێز بۆ نوێنەرایەتیکردنی دۆزی کوردستان لەسەر ئاستی جیهان و پەیوەندیکردنی ڕاستەوخۆ لەگەڵ ناوەندەکانی بڕیار.
ح. پەرگاڵی پەیوەندیی پارێزراو و فەرماندەیی:
دابینکردنی پەرگاڵێکی پەیوەندیی پارێزراو، نهێنیکراو و سەربەخۆ بۆ گشت دامەزراوەکانی خەباتی ڕزگاریی.