ڕاگەیاندنەکانی دانپێدانان

من، بە ئیرادەی ئازاد و بە ئاگاداریی تەواو، دەستووری کۆماری کوردستان وەک بەڵگەنامەی باڵای نەتەوەیی، بنەمای قانوونی و چوارچێوەی دامەزراندنی دەوڵەتی سەربەخۆ و سەروەری کوردستان دەناسم و دانی پێدا دەنێم. پشتگیری لە دامەزراندنی کۆماری کوردستان و پاراستنی سەروەریی نەتەوەیی، یەکپارچەیی خاک، کەرامەتی مرۆڤ، ئازادی، یەکسانی، دادپەروەری، دێموکراسی و حوکمی قانوون دەکەم. خۆم بە بەشدار و خاوەندارێکی کۆمەڵگەی دەستووری دەزانم و ئامادەم بە پەروەردە، گفتوگۆ، توێژینەوە، ناساندن، خۆبەخشی و دامەزراوەسازی لە پێناو دامەزراندن و بەهێزکردنی دامەزراوەکانی دەوڵەتی کوردستان بەشداری بکەم. پابەندی بە ڕێکار و میکانیزمە دەستوورییەکان، پاراستنی شکۆی دەستوور، ڕێزگرتن لە جیاوازیی بۆچوون و هەڵسوکەوتی لێپرسراوانە و مەدەنی ڕادەگەیەنم.

ئەم دامەزراوەیە، بە بڕیارێکی فەرمی و بە ئاگاداریی تەواو، دەستووری کۆماری کوردستان وەک بەڵگەنامەی باڵای نەتەوەیی، بنەمای قانوونی و چوارچێوەی دامەزراندنی دەوڵەتی سەربەخۆ و سەروەری کوردستان دەناسێت و دانی پێدا دەنێت. پشتگیری لە دامەزراندنی کۆماری کوردستان و پاراستنی سەروەریی نەتەوەیی، یەکپارچەیی خاک، کەرامەتی مرۆڤ، ئازادی، یەکسانی، دادپەروەری، دێموکراسی و حوکمی قانوون دەکات. دامەزراوەکە خۆی بە هاوبەش و خاوەندارێکی دامەزراوەییی کۆمەڵگەی دەستووری دەزانێت و بە پەروەردە، گفتوگۆ، توێژینەوە، ناساندن، هاوکاریی پیشەیی و دامەزراوەسازی لە پێناو دامەزراندن و بەهێزکردنی دامەزراوەکانی دەوڵەتی کوردستان بەشداری دەکات. پابەندی خۆی بە ڕێکار و میکانیزمە دەستوورییەکان، پاراستنی شکۆی دەستوور و هەڵسوکەوتی لێپرسراوانە و مەدەنی ڕادەگەیەنێت.